Viðskiptaskilmálar

1. Almennt

Skilmálar þessir gilda um sölu á vörum og þjónustu í vefverslun Skrautsteypu ehf., kt. 570524-1270, Skriðustekk 31, 109 Reykjavík (hér eftir „seljandi“). Netfang þjónustuvers er sala@flisarco.is. Með því að staðfesta pöntun í vefverslun samþykkir kaupandi þessa skilmála. Um neytendakaup gilda lög um neytendakaup nr. 48/2003 og lög um neytendasamninga nr. 46/2000.

2. Verð og greiðsla

Öll verð í vefverslun eru í íslenskum krónum og innihalda 24% virðisaukaskatt. Seljandi áskilur sér rétt til verðbreytinga án fyrirvara, en verðhækkanir sem verða eftir að pöntun er staðfest eru ekki afturkræfar. Greiðsla fer fram í gegnum örugga greiðslugátt. Varan er eign Skrautsteypu ehf. þar til kaupverð hefur verið að fullu greitt.

3. Afhending og flutningur

Afhendingartími er jafnan 1-3 virkir dagar ef vara er til á lager. Hægt er að fá vörur sendar með flutningsaðila eða sækja þær. Áhættan af vörunni (t.d. ef hún brotnar) færist yfir á kaupanda þegar hann hefur veitt henni viðtöku (sbr. 14. gr. laga nr. 48/2003). Ef sjáanlegar skemmdir eru á umbúðum við afhendingu skal kaupandi gera fyrirvara við flutningsaðila og tilkynna seljanda án tafar.

4. 14 daga skilaréttur í vefverslun (Fjarsala)

Samkvæmt lögum um neytendasamninga nr. 46/2000 hefur kaupandi 14 daga rétt til að falla frá kaupum án þess að tilgreina ástæðu, þegar verslað er á netinu. Fresturinn byrjar að líða þegar varan er afhent.

• Skilyrði: Varan þarf að vera ónotuð, í söluhæfu ástandi og í upprunalegum umbúðum.
• Undanþágur: Skilaréttur gildir ekki um sérpantanir (vörur sem pantaðar eru sérstaklega fyrir kaupanda eða sérsniðnar að hans þörfum) né um opnaðar umbúðir af flísalími, fúgu eða steypuefnum sem geta skemmst vegna raka.
• Endurgreiðsla: Endurgreiðsla fer fram á sama formi og upphafleg greiðsla innan 14 daga frá móttöku endursendrar vöru. Kaupandi ber beinan kostnað af því að skila vörunni (flutningskostnað).

5. Gallaábyrgð (Lög nr. 48/2003)

Seljandi ábyrgist að vörur séu án galla við afhendingu.

• 5 ára ábyrgð: Flísar og byggingarefni eru ætluð til að hafa verulega lengri endingartíma en almennar vörur og bera því 5 ára kvörtunarfrest.
• 2 ára ábyrgð: Aðrar vörur bera 2 ára kvörtunarfrest.

Komi galli í ljós innan 6 mánaða frá afhendingu er miðað við að hann hafi verið til staðar við kaup, nema seljandi sýni fram á annað (t.d. ranga lagningu). Kaupandi skal tilkynna galla án ástæðulauss dráttar eftir að hann varð hans var. Ábyrgð nær ekki til eðlilegs slits eða skemmda sem rekja má til illrar eða rangrar meðferðar.

6. Lagning flísa og gólfefna - Rannsóknarskylda kaupanda

Að uppgötva galla eftir að flísar hafa verið lagðar á gólf eða vegg getur reynst kaupanda dýrkeypt. Skrautsteypa ehf. ber ekki ábyrgð á uppsetningarkostnaði eða niðurrifi ef sýnilegur galli var á flísum áður en þær voru lagðar, en kaupandi eða lagningarmaður vanrækti að skoða þær.

• Lita- og stærðarmunur: Flísar eru framleiddar í lotum (e. batches) og smávægilegur lita- eða stærðarmunur getur verið á milli lota.
• Skoðun fyrir lagningu: Mikilvægt er að lýsing sé góð við lagningu. Kaupandi eða iðnaðarmaður hans ber ábyrgð á að blanda flísum úr mismunandi kössum til að jafna út eðlilegan litamun.
• Hafnun gallaðrar vöru: Ef hafna þarf flísum sökum ranga lita, stærðar, brota eða annarra sjáanlegra galla, skal það gert áður en þær eru lagðar. Þegar flís hefur verið límd niður telst hún samþykkt hvað varðar ytri og sjáanlega eiginleika.

7. Sérpantanir og geymslugjöld

Afgreiðslutími sérpantana er breytilegur. Sérpöntunum fæst hvorki skipt né skilað. Hafi vara sem pöntuð er eða greidd ekki verið sótt innan 14 daga frá tilkynningu um að hún sé tilbúin til afhendingar, áskilur seljandi sér rétt til að innheimta geymslugjald.

8. Úrlausn ágreinings

Rísi ágreiningur milli aðila vegna skilmála þessara skal reyna að leysa hann með samkomulagi. Ef það tekst ekki getur neytandi vísað málinu til Kærunefndar vöru- og þjónustukaupa. Rísi dómsmál skal reka það fyrir Héraðsdómi Reykjavíkur.